Orthodontics para sa mga adult
Parami nang parami ang mga adult na nagpapaayos ng ngiti, para sa itsura at para sa gamit ng ngipin. Ayon sa American Association of Orthodontists, isa sa bawat limang pasyente ng orthodontics ay lampas na sa edad na 21. Alam na natin ngayon na hindi lang maganda ang tuwid na ngipin. Mas malusog din ito.
Bakit nagpapa-orthodontic treatment ang mga adult:
- Siksikan ang ngipin o may sobrang puwang
- Sira ng ngipin o periodontal disease dahil sa siksikang ngipin
- Hindi normal na sakit o hindi komportableng pakiramdam sa panga dahil sa hindi pantay na ngipin
- Gustong magkaroon ng mas malusog na bibig at ngiting may kumpiyansa
- Hindi maayos ang pagtatagpo ng mga ngipin
- Pudpod o nawawalang ngipin: kapag hindi pantay ang ngipin, hindi maayos ang pagdikit ng mga ito sa isa't isa, kaya napupudpod ang mga ito
- Hindi natapos na orthodontic treatment noong tinedyer pa
Magagandang opsyon para sa mga adult
Maraming uri na ngayon ng orthodontic treatment na mas komportable at mas maganda tingnan. Kaya hindi na kailangang panghinaan ng loob dahil sa isiping magsusuot kayo ng malaki at makapal na braces.
- Invisible braces
- Ceramic braces
Ang mga rekomendasyon namin
Hindi pa huli para makinabang sa orthodontic treatment bilang adult. Napakahirap sipilyuhin at i-floss ang ngiping hindi maayos ang pagkakahanay. Sa mga adult, madalas itong nauuwi sa sira ng ngipin at periodontal disease. Kapag pinabayaan, lalo lang lumalala ang mga kondisyong ito habang tumatagal. Hindi rin ito kusang naaayos hangga't hindi natutugunan ang mismong sanhi ng problema.
May pagkakaiba nga ang orthodontic treatment ng adult at ng kabataan. Ang pangunahing pagkakaiba, tapos na sa paglaki ang buto ng panga ng adult. Kaya maaaring kailanganin ng orthognathic surgery (operasyon sa panga) para maihanay ang mga buto ng panga. Sa bata naman, nahuhubog pa ang buto ng panga dahil lumalaki pa ito. Mag-schedule po ng appointment sa mahusay naming dental team sa Roselle, IL.